Намеснік генпракурора: "Справа экс-сенатара Кастагорава не закрыта"

Крымінальная справа экс-сенатара і бізнэсмэна Віталя Кастагорава не закрытая, паведаміў сёння журналістам намеснік генеральнага пракурора Беларусі Аляксей Стук.

 “Ён падаў у камісію па памілаванні, але зварот яшчэ не разгледжаны”, — удакладніў намеснік генпракурора, адказваючы на ​​пытанне аб тым, ці сапраўды Кастагораў кампенсаваў шкоду і таму справа была закрытая. “Кастагораў, з’яўляючыся кіраўніком суб’екта гаспадарання, ўхіляўся ад выплаты падаткаў”, - адзначыў намеснік генпракурора, паведамляе БЕЛТА.

Каля года таму чалец Савета Рэспублікі Нацыянальнага сходу Беларусі Віталь Кастагораў у адпаведнасці з арт. 47 закона “Аб статусе дэпутата Палаты прадстаўнікоў, члена Савета Рэспублікі Нацыянальнага сходу Рэспублікі Беларусь” пазбаўлены недатыкальнасці.

Аляксей Стук дадаў, што аб памілаванні папрасіў і былы намеснік старшыні Шклоўскага райвыканкама Яўген Семянкевіч. Пракурор адзначыў, што камісія будзе прасіць Прэзідэнта Беларусі адмовіць гэтаму экс-чыноўніку ў памілаванні. Семянкевіч ня кампенсаваў шкоды, бо нанесена не фінансавая, а менавіта рэпутацыйная шкода.

“Ён паставіў сям’ю дачкі на ўлік, і яны атрымалі кватэру, атрымалі крэдыт. Шкоды як такой матэрыяльнай тут, напэўна, няма. Гэта падрыў аўтарытэту ўлады”, - растлумачыў Аляксей Стук