Памочнік Лукашэнкі: Страта беларускай мовы — адна з галоўных пагроз
Кірыл Руды ўпершыню агучыў вынікі ліпеньскага апытання Інстытута сацыялогіі Нацыянальнай акадэміі навук.
Паводле слоў памочніка кіраўніка дзяржавы па эканамічных пытаннях, рэспандэнтам прапаноўвалася адказаць на пытанне, якія доўгатэрміновыя для краіны пагрозы (да 2030 года) яны бачаць.
"Пагроза нумар адзін — памяншэнне насельніцтва з-за нізкай нараджальнасці, адказалі 37% апытаных. На другім месцы — страта беларускай мовы, на трэцім — п'янства і алкагалізм, на чацвёртым — наплыў мігрантаў з іншых краін, на пятым — экалагічныя праблемы, на шостым — зніжэнне ўзроўню жыцця", — цытуе словы Кірыла Рудога БелаПАН.
Толькі 30% апытаных ацанілі эканамічную сітуацыю ў Беларусі як станоўчую. Столькі ж рэспандэнтаў падтрымліваюць членства нашай краіны ў Еўразійскім эканамічным саюзе, 20% выступаюць за нейтралітэт, 10% — за сяброўства Беларусі ў Еўрасаюзе.
Памочнік Лукашэнкі: Дастойны заробак для беларусаў — 3000 долараў
