Патрыярх Кірыл заклаў у Мінску памятную грамату (відэа)
Завяршыўся візіт патрыярха маскоўскага і кіраўнікоў іншых праваслаўных цэркваў у Беларусь.
Яны ўдзельнічалі ў святкаванні 1025-х угодкаў Хрышчэння Русі. У малебне каля Мінскага замчышча ў панядзелак узялі ўдзел каля 50 тысяч чалавек.
Каля станцыі метро "Няміга" на месцы старажытнага праваслаўнага храма XI стагоддзя адбылася цырымонія закладкі памятнай граматы. Яе падпісалі ўсе кіраўнікі праваслаўных цэркваў, паведамляе БЕЛТА.
Адзначым таксама, што 29 ліпеня адбылася сустрэча Аляксандра Лукашэнкі з патрыярхам маскоўскім і кіраўнікамі памесных праваслаўных цэркваў.
