У Кітаі ўцекачоў шантажуюць блізкімі, а ў Афганістане паляць гітары — # ІхНоравы

Алім не хацеў у гэтым удзельнічаць — і тут яму з Кітая патэлефанавала мама. Яны не размаўлялі ўжо шмат гадоў, і магчымасці выйсці на сувязь не было. У Кітаі за мамай Аліма, як і за большасцю уйгураў, сочаць. Калі яны стэлефанаваліся па відэа праз пасярэдніка, мама плакала і казала, што не спадзявалася калі-небудзь убачыць сына.

Алім таксама плакаў, таму што быў упэўнены, што яго маму трымаюць у закладніках і даюць яму зразумець гэта, ладзячы сеанс відэасувязі.

Гэта вядомая тактыка, якую аўтарытарныя ўрады выкарыстоўваюць для кантролю за дыяспарамі. Паліцыя звязваецца з уцекачамі і эмігрантамі, прапануе шпіёніць або патрабуе спыніць зносіны са СМІ. Гэта называецца транснацыянальныя рэпрэсіі.

Вынік: моладзь дыстанцыюецца ад уйгурскіх мітынгаў, бо баіцца сустрэцца там са шпіёнамі. Такім і быў план Кітая — і ён спрацаваў.

Флэшбэкі і асацыяцыі з Беларуссю не выпадковыя, усе дыктатары вучацца адзін у аднаго.

"Маральнае разбэшчанне" пад музыку

Калі талібы прыйшлі да ўлады ў Афганістане, там забаранілі "публічнае выкананне музыкі". А цяпер талібы ўжо не проста забараняюць. Яны робяць музыку ў прынцыпе немагчымай, спальваючы інструменты. Бо музыка нібыта спрыяе "маральнаму разбэшчанню".

Сярод спаленых інструментаў — гітара і табла (разнавіднасць барабана), а таксама ўзмацняльнікі і дынамікі. Многія з іх канфіскавалі на вяселлях.

Заснавальнік Нацыянальнага інстытута музыкі Афганістана назваў тое, што адбываецца, "культурным генацыдам і музычным вандалізмам".

Падчас першага этапу праўлення талібаў у 90-х у краіне ўжо забаранялі ўсе формы музыкі. Але ў наступныя дваццаць гадоў музычная сцэна квітнела. Калі талібы вярнуліся, многія музыкі збеглі з краіны. А тыя, хто застаўся, зазнаюць гвалт і дыскрымінацыю.

Без пакетаў з пакетамі

Заходнеафрыканскія лідары сказалі нігерскай хунце: гэй, зброя і сіла ёсць не толькі ў вас. Бунтаўшчыкам далі сем дзён на аднаўленне на пасадзе прэзідэнта Махамеда Базума. З мінулага тыдня ён знаходзіцца ў палоне.

І вось як выглядае "заклапочанасць" па-афрыканску. Лідары краін Заходняй Афрыкі абвясцілі зону над Нігерам беспалётнай для ўсіх камерцыйных рэйсаў, закрылі ўсе сухапутныя межы з краінай і ўвялі фінансавыя санкцыі.