Абарона Баўмгертнера хоча сустрэцца з кіраўніцтвам Генпракуратуры

Пра гэта агенцтву БелаПАН паведамілі ў Рэспубліканскай калегіі адвакатаў са спасылкай на адваката Ганну Славіну — адну з трох беларускіх абаронцаў расійскага бізнэсоўца.

На мінулым тыдні адвакаты Уладзіслава Баўмгертнера падалі некалькі скаргаў, у тым ліку ў Следчы камітэт, старшыні Мінскага гарадскога суда, пракурору Мінска. Акрамя таго, яны падалі скаргу на імя генпракурора і заяву, каб іх прыняў генпракурор або яго намеснік. Падчас сустрэчы адвакаты плануюць асабіста выказаць кіраўніцтву Генпракуратуры довады ў абарону правоў і законных інтарэсаў свайго падабароннага.

Мяркуецца, што адказ на сваю заяву ў Генпракуратуру адвакаты атрымаюць не пазней за пачатак наступнага тыдня.

Фота Баўмгертнера — vesti.ru