“Маўклівыя акцыі” на 10 ліпеня не плануюцца
Пра гэта перад выходнымі заявіў ідэйны натхняльнік акцыі “Рэвалюцыя праз сацыяльныя сеткі” Вячаслаў Дыянаў.
З яго словаў, у СМІ працягвае паступаць супярэчлівая інфармацыя наконт акцыяў 10 ліпеня. Ён заклікае беларусаў не паддавацца на правакацыі і не прымаць пад увагу загадзя непраўдзівую інфармацыю.
Тым часам у шэрагу сацыяльных сетак сапраўды з’явіліся суполкі і сустрэчы, якія заклікаюць беларусаў зноў выходзіць на вуліцы 10 ліпеня. Праўда, асобныя сустрэчы падаваліся як нацыянальны бестэрміновы страйк.
