У Мінск прыбывае прадстаўнік Еўракамісіі Дырк Шубель
Ён правядзе сустрэчы як у МЗС, так і з прадстаўнікамі Нацыянальнай платформы Форуму грамадзянскай супольнасці Усходняга партнёрства.
2 снежня Мінск наведае кіраўнік аддзела па двухбаковых адносінах з краінамі Усходняга партнёрства Еўрапейскай службы знешніх дзеянняў Дырк Шубель. Пра гэта інфармуе БелаПАН са спасылкай на прэс-службу прадстаўніцтва Еўрасаюза ў Беларусі.
Еўрапейскі чыноўнік прыме ўдзел у міжнароднай канферэнцыі "Рэгіянальная стабільнасць і мадэрнізацыя: выклікі і магчымасці для адносін паміж ЕС і Беларуссю". Канферэнцыю арганізоўвае Мінскі форум.
Акрамя таго, у Шубеля запланаваны сустрэчы ў Міністэрстве замежных спраў. Таксама ён сустрэнецца з прадстаўнікамі Нацыянальнай платформы Форуму грамадзянскай супольнасці Усходняга партнёрства.
Фота — moldovenii.md
