Папа Рымскі праляціць над Беларуссю
У сераду, 13 жніўня, Папа Рымскі Францішак накіруецца з Рыма з візітам у Паўднёвую Карэю.
Шлях папскага авіяборту даўжынёй у 8970 кіламетраў будзе пралягаць па-над 11 краінамі: Італіяй, Харватыяй, Славеніяй, Аўстрыяй, Славакіяй, Польшчай, Беларуссю, Расіяй, Манголіяй, Кітаем і Паўднёвай Карэяй.
Як паведамляе сайт krynitsa.info, каля 19-й пантыфік будзе пралятаць над беларускімі землямі. За яго палётам можна будзе сачыць на сайце flightradar24.com.
Фота — AFP
