У Facebook цяпер можна ўстаўляць стыкеры ў каментары
Адпаведны абразок ужо з'явіўся ў полі для тэксту каментара.
Дагэтуль значкі-стыкеры, з дапамогай якіх карыстальнік можа хутка апісаць сваю эмацыйную рэакцыю, былі даступныя толькі ў асабістых паведамленнях. Упершыню ж стыкеры з'явіліся на Facebook мінулым летам.
Стыкеры ў каментарах працуюць гэтаксама, як у паведамленнях. Карыстальнік атрымлівае базавы набор смайлікаў, аднак можа загрузіць дадатковыя калекцыі з крамы стыкераў Facebook. Пакуль гэтыя калекцыі бясплатныя.
